Dalawa ang sugatan matapos lamunin ng apoy ang mga tindahan ng prutas sa bayan ng Sta. Maria, lalawigan ng Bulacan.
Batay sa impormasyon mula sa BFP o Bureau of Fire Protection, sumiklab ang apoy mag-aalas 3:00 kaninang madaling araw.
Umakyat pa sa unang alarma ang sunog subalit naapula rin kalaunan ng mga bumbero matapos ang isang oras.
Tinatayang nasa anim hanggang pitong tindahan ng prutas ang nasunog sa naturang lugar.
Agad namang dinala sa ospital ang mga sugatan para doon lapatan ng lunas habang patuloy ang isinasagawang imbestigasyon at kung magkano ang napinsala dito.
