Lumiliit na umano ang kita ng mga tsuper sa gitna ng mahal na krudo at bumibigat na daloy ng trapiko, lalo sa Metro Manila.
Aminado si Pasang Masda President Obet Martin na sa halip magdiwang dahil magpa-Pasko, tila mag-se-semana santa ang mga jeepney driver dahil nakaka-ilang biyahe na lamang sila ngayong holiday season.
Bunsod ito ng bumibigat na daloy ng trapiko dahil sa pagdami ng mga pasahero na kinakapos naman ng mga pampublikong transportasyon.
Bagaman ikinatuwa aniya nila at nakatulong ang ilang sunod na linggong oil price rollback, mapupurnada na naman ang kanilang kikitain dahil sa bigtime price increase ngayong araw. —sa panulat ni Jenn Patrolla
