Uubrang madaanan ng mga motorista ang mga tulay at kalsada sa Region 12.
Tiniyak ito ng Department of Public Works and Highways (DPWH) Region 12 matapos yumanig ang magnitude 6.9 na lindol sa Matanao, Davao Del Sur, pasado alas -2 ng hapon, kahapon, ika-15 ng Disyembre.
Sinabi ng DPWH Region 12 na ligtas daanan ang mga tulay sa SOCCSKSARGEN.
Patuloy pa rin naman anila ang isinasagawa nilang inspeksyon at pagtutok sa mga imprastruktura sa mga lugar na apektado ng lindol.
