Patuloy ang pagdagsa ng mga turista sa Palawan sa kabila ng travel advisory na inilabas ng Amerika, Canada at United Kingdom dahil sa banta ng terorista.
Kapansin – pansin ang pagdating ng mga lokal na turista at mga dayuhan partikular sa Puerto Princesa Subterranean River National Park.
Kasabay ng pagdagsa ng mga turista ay ang pag-iikot naman ng mga miyembro ng Philippine Marines sa lugar para magbigay seguridad.
Una nang pinapurihan ni Department of Tourism o DOT Secretary Wanda Teo ang Philippine National Police (PNP) at Armed Forces of the Philippines (AFP) dahil sa maagap na pagkilos ng mga ito sa pagpapatupad ng mas mahigpit na seguridad sa lugar.
Dahil dito, maituturing pa ring safe tourist destination ang Palawan.
By Rianne Briones
