Hinihinalang mga miyembro ng ASG naispatan sa Cebu

Namataan ng mga awtoridad ang dalawang (2) armadong lalaki na malayang nakagagala sa lungsod ng Lapu-Lapu sa lalawigan ng Cebu.

Sa harap na rin ito ng mga alingasngas na naroon na sa Cebu ang ilang elemento ng mga bandidong Abu Sayyaf matapos ang nabulilyasong pag-atake nito sa Bohol.

Tumambad sa pinagsanib puwersa ng militar at pulisya ang ilang kagamitan ng 2 hinihinalang mga bandido sa Barangay San Vicente kasunod ng isinagawa nilang manhunt operations.

Natanggap umano ng mga awtoridad ang impormasyon batay sa tip ng ilang mga residente sa lugar na natatakot dahil sa pawang armado ang naturang mga lalaki.

By Jaymark Dagala

Comments

comments