Ibinunyag ni Veteran Journalist Charie Villa kung sinu-sino ang nag pressure sa kapatid na si dating ERC Director Jose Francisco Villa Jr. para pumirma sa illegal documents dahilan nang pagpapakamatay nito.
Sa isinagawang pagdinig ng Kamara, ipinabatid ni Villa na sina ERC Chair Jose Vicente Salazar at pinsan nito at Chief of Staff na si Steve Riva.
Dahil dito kinuwestyon ni house committee on good governance and public accountability chair johnny pimentel si salazar kung legal ang appointment ni Riva.
Nilinaw naman ni Salazar na uubra niyang i appoint si Riva sa plantilla positions dahil first degree cousin naman niya ito at hindi third degree na siyang ipinagbabawal sa batas.
Binigyang diin pa ni Salazar na wala namang kamay si Riva sa pagpapasya may kinalaman sa operasyon ng ERC.
Charie Villa naging emosyonal sa kanyang pagharap sa pagdinig sa Kamara
Naiyak si Charie Villa, ang kapatid ni dating Energy Regulatory Commission o ERC Director Francisco Jose Villa Jr, sa kanyang pagharap sa pagdinig ng house committee on good government and public accountability.
Ito ay kaugnay sa maanomalyang transaksyon na pinasok ng ERC para sa pagpapa-ayos ng kanilang boardroom, na isa sa mga maaring sanhi ng pagpapatiwakal ni Atty. Jose Villa.
Sinabi ni Villa na hindi na mapalagay ang kanyang kapatid kaya siya ay kinunsulta na nito hinggil sa mga pinapapirmihang ilegal na kontrata ni ERC Chairman Jose Vicente Salazar.
Ayon kay Villa, nais lamang ng kanyang kapatid na magkaroon ng maayos na serbisyo sa ERC, kaya’t nagpasalamat din siya sa mga kawani ng ERC na nakaunawa sa kanyang kapatid.
By Katrina Valle / Judith Larino
Photo Credit: Charie Villa Instagram
