Pinatitiyak ni Manila International Airport Authority General Manager Ed Monreal sa apat na NAIA airport managers na nasa magandang kondisyon ang kanilang cooling systems.
Ito’y bilang bahagi ng paghahanda ng MIAA sa inaasahang pagdagsa ng mga pasahero sa mga paliparan ngayong Semana Santa.
Sinabi ni Monreal na bagama’t hindi pa nakukumpleto ang binili nilang mga security cameras, sapat pa naman ang bilang ng CCTV Cameras sa apat na terminal para sa seguridad ng mga pasahero.
Muli ring pinaalalahanan ng opisyal ang mga pasahero na bagamat mainit na ang panahon, hindi na dapat sabayan pa ito ng init ng ulo para na rin sa maayos na pagbiyahe.
By: Meann Tanbio
