Some good things never last
Ito ang napatunayan ni Michelle Madrigal at asawang si Troy Woolfolk matapos putulin na ang halos dalawang taong marriage.
Kinumpirma kapwa nina Michelle at Troy na hiwalay na sila bagama’t hindi tinukoy kung kailan at ngayo’y nasa proseso na ng divorce.
Nilinaw nina Michelle at Troy na kahit hiwalay na sila, mahal na mahal pa rin nila ang isa’t isa bagama’t hindi na sa level ng pagiging mag-asawa at handa naman silang magsagawa ng co-parenting sa anak na si Anika.
Nagpasalamat naman ang dating mag-asawa sa mga sumuporta at sumama sa kanilang journey bilang Woolfolk family kasabay ang paghingi ng space at respeto sa naging pasya nilang tuldukan na ang kanilang buhay mag-asawa.
Sina Michelle at Troy na kapwa naka-base sa Texas, USA ay nagpakasal noong Abril 2019 matapos magkita sa pamamagitan ng dating app na Tinder at 2017 nang iluwal ni Michelle ang anak nilang si Anika.
