Nanguna ngayong taon bilang America’s most admired woman si dating First Lady Michelle Obama.
Tinapos ni Obama ang 17 taong pangunguna ni dating First Lady Hillary Clinton bilang pinakahinahangaang babae sa Amerika.
Bumaba sa ikatlong puwesto si Clinton habang pumangalawa naman ang talk show host na si Oprah Winfrey.
Samantala, tuloy tuloy ang pangunguna ni dating US president Barack Obama bilang pinakahinahangaan namang lalaki sa Amerika.
Ito na ang kanyang ika-labing isang sunod na taon na nanguna sa naturang listahan.
Nasa 1,025 adults ang na-survey at tinanong kung sinong buhay na lalaki at babae saan mang panig ng mundo ang kanilang pinakahinahangaan.
