Nakatakas ang isang naarestong miyembro ng Abu Sayyaf Group habang ibina-biyahe patungong Zamboanga City Jail.
Kinilala ni Supt. Luisito Magnaye, Director ng Zamboanga City Police Office ang nakapuslit na inmate na si Alhnur Usup na nahaharap sa kasong murder, illegal possession of firearms at car theft.
Si Usup ay nadakip noong June 1 sa isang checkpoint sa barangay Canelar.
Ayon kay Magnaye, nagawang matanggal ni Usup at isa pang inmate na si Jammal Labuan ang kanilang posas habang sakay ng L300 van at tumalon mula sasakyan saka kumaripas ng takbo.
Agad na naglunsad ng manhunt operations ang mga otoridad para madakip muli si Usup.
By: Meann Tanbio
