Ginunita rin ng MILF o Moro Islamic Liberation Front ang pagkamatay ng 17 nilang miyembro na kabilang sa nakasagupa ng Special Action Force sa Mamasapano Maguindanao, isang taon na ngayon ang nakakaraan.
Nag-alay ng dasal ang MILF sa Barangay Tukanalipao Mamasapano Maguindanao kung saan naganap ang labanan.
Ayon kay MILF Chairman Ebrahim Murad, nagpapasalamat ang pamilya ng MILF fighters na nasawi sa lahat ng nagbigay sa kanila ng tulong.
Una nang nagtungo sa lugar ng labanan ang mga kagawad ng 6th Infantry Division at nag-alay ng dasal at mga bulaklak para sa mga nasawing kagawad ng Special Action Force.
Maliban sa 17 MILF fighters at SAF 44, 3 sibilyan pa ang nasawi sa engkuwentro noong January 25, 2015.
By Len Aguirre
