Bineberipika pa ng Armed Forces of the Philippines o AFP ang banta ng Abu Sayyaf group na kanilang pupugutan ang kanilang dayuhang bihag sa Sulu.
Ito ay matapos lumabas sa social media ang video footage kung saan ay nagbigay ng ultimatum ang Abu Sayyaf na kanilang pupugutan ang pitumpung taong gulang na German nilang bihag na si Juergen Kanter kung hindi maibibigay ang hinihingi nilang sampung milyong dolyar na ransom.
Ayon kay AFP Western Mindanao command spokesperson major Filemon Tan Jr., kailangan muna nilang mapanuod ang naturang footage. binigyang diin ng opisyal na wala pa silang ideya sa ngayon kung saan at kailan ginawa ng Abu Sayyaf ang video.
Sa kabila nito, tiniyak ni Tan na ginagawa ng militar ang lahat ng pamamaraan upang mabawi si Kantar at ang iba pang mga bihag na hawak ng Abu Sayyaf.
By Ralph Obina
