Patuloy na pinaghahanap ngayon ng militar ang isa pang Malaysian terrorist na si Amin Baku na kasamang naghasik ng kaguluhan sa Marawi City.
Ayon kay Task Force Ranao Deputy Commander Col. Romeo Brawner, isa si Baku sa mga nakaligtas sa walang humpay na pambobomba at pagpapaputok na ikinasa ng militar laban sa mga terorista sa kasagsagan ng giyera.
Aniya, sakali man na kasama na si Baku sa mga napatay na terorista ay kailangan pa rin aniyang mahanap ang bangkay nito.
Si Baku ay dating kasapi ng teroristang grupo na Jemaah Islamiyah sa Mindanao, at naging malapit sa kapwa niya Malaysian terrorist na si Zulkifli Bin Hir alyas Marwan.
—-
