Sapul sa ikinasang air strikes ng Israeli Forces ang Military sites ng Hamas sa Gaza Strip.
Ayon sa Israeli Army, ito ang kanilang ganti kasunod ng ginawang tangkang pambobomba ng Palestinian Islamist Movement sa mga sibilyan sa katimugang bahagi ng Israel, na agad umano nilang naharang o napigilan.
Naganap ang Air strike exchange matapos masawi ang tatlong Palestinian at masugatan ang 12 iba pa noong Biyernes sa ginawang pagsalakay ng Israeli forces sa Jenin, isang kuta ng mga armadong paksyon ng Palestinian sa West Bank.
Ayon naman sa Palestenian News Agency, napatay ang mga naturang Palestinian nang paputukan ng Israeli troop ang isang sasakyan kung saan sila naroroon.
