Bahagi na ng feeding program ng mga pampublikong paaralan ang mga pamalit sa gatas.
Ipinabatid ito ni Education Secretary Leonor Briones dahil ilang estudyante ang lactose intolerant o hindi gusto ang lasa ng gatas.
Sinabi ni Briones na maganda naman talaga ang nutrisyong makukuha mula sa gatas sugalit hindi lahat ng bata ay hiyang dito kaya’t may mga milk substitutes tulad ng itlog, karne at gulay.
Binigyang din ni Briones na ang pagmonitor sa mga kinakain ng mga batang estudyante ay kasing halaga rin nang pagtutok sa kanilang mga natutuhan sa klase.
