Tinatayang 20 milyong halaga ng alahas ang nasabat ng Bureau of Customs sa isang babae sa Ninoy Aquino International Airport (NAIA).
Inilagay ang suspek under close watch dahil sa una nang impormasyon na may mga dala itong kontrabado mula sa Hong Kong.
Nang inspeksyunan ay nakita sa dalahin nito ang 259 na mga alahas na may perlas, diamante at iba pang mamahaling bato na nakatago sa mga damit.
Depensa naman ng babae, ipinakiusap lamang ito ng kanyang kabigan sa Hong Kong para dalhin at iaabot nya sa isang kakilala sa Maynila kapalit ng cellphone.
Hawak pa rin ng BOC ang babae habang inihahanda ang isasampang kaso sa piskalya.
Nanatili naman sa ahensya ang pangangalaga sa nakumpiskang alahas.
By Rianne Briones
