Matatanggap na ng milyun-milyong pensioners ng Social Security System o SSS ang kanilang 13th month pay.
Ayon kay SSS President at Chief Executive Emmanuel Dooc, mula kahapon hanggang sa Disyembre 8 ay matatanggap na ng 2.2 milyon nilang pensioners ang 13 month pay na nai-release noon pang Nobyembre 15 sa mga partner banks ng ahensya.
Sinabi ni Dooc na kanila nang inabisuhan ang mga bangko na huwag palagpasin ng December 8 ang pagpapalabas ng 13 month pay kasabay ng December pension.
Ang halaga ng 13th month pension ay katumbas ng basic monthly pension ng isang pensyonado.
—-
