Hindi natitinag ang Minority Bloc sa Kamara sa posibilidad na higit na piliin ng Liberal Party Congressmen o tinaguriang Magnificent 7 na sumapi sa independent minority.
Bukod dito sinabi ng Minority Bloc na hindi sila kinakabahan sa posibilidad na mapalitan sa puwesto si Minority Leader Danilo Suarez dahil maaaring mas dumami pa ang bilang ng independent minority kaysa sa kanila.
Binigyang diin ni Kabayan Party List Representative Harry Roque na hindi basta maipapadeklarang bakante ang posisyon ng kanilang lider na si Suarez.
Hindi aniya makatuwirang tibagin ang kanilang grupo bilang minority bloc dahil 32 lamang ang mga Kongresista ng dating ruling party.
Ayon naman kay Suarez mayruong mga patakarang dapat sundin hinggil dito at kailangan muna ng approval ng mayorya at minorya para magawa ito.
By: Judith Larino / Jill Resontoc
