Maghihigpit na ang Misamis Oriental at Bukidnon LGU sa kanilang mga kawani na hindi pa nababakunahan kontra COVID-19.
Hindi na kasi basta-bastang makakapasok sa trabaho ang mga kawani ng naturang LGUs kung wala silang maipiprisintang vaccination card o negatibong resulta ng RT PCR test.
Ang naturang kautusan ay ipatutupad ng naturang mga pamahalaang panglalawigan, alinsunod na rin sa inilabas na direktiba ng Inter-Agency Task Force (IATF).
Ayon sa opisyal ng Provincial IATF ng Misamis Oriental, ipatutupad nila ang kautusan simula December 1, kung saan ang mga hindi pa bakunado ay dapat na magpa RT-PCR test linggo-linggo.
Gayundin ang ipatutupad ng Bukidnon LGU, ngunit imbes na linggo linggo ang RT PCR test ay dapat na isagawa ito tuwing ikalawang linggo. —sa panulat ni Hya Ludivico
