Kinoronahan ang pambato ng South Africa na si Lalela Mswane bilang Miss Supranational 2022.
Isinagawa ang coronation night sa Malopolska, Poland kaninang umaga.
Natalo ng South Africa ang nasa 68 kalahok mula sa iba’t ibang bansa para makuha ang korona mula kay Chanique Rabe, ang 2021 winner at unang Miss Supranational mula sa Namibia.
Hinirang namang first runner-up si Miss Thailand Praewwanich Ruangthong habang second runner-up si Miss Vietnam Nguyen Huynh Kim Duyên.
Third runner-up naman si Miss Indonesia Adinda Cresheilla at fourth runner-up si Miss Venezuela Ismeyls Velasques.
Nagtapos naman sa Top 24 si Alison Black ng Pilipinas.
