Tuluy tuloy ang pagdating ng mga kandidata sa Miss Universe beauty pageant sa bansa.
Kabilang sa mga dumating sa NAIA kaninang umaga ang isa sa mga umano’y favorite na si Miss Venezuela Mariam Habach.
Una nang dumating sa bansa mula kahapon ang mga pambato ng Japan, Myanmar, Turkey, Malta, Indonesia, Sri Lanka, Ecuador, Iceland, Angola, Honduras at Haiti.
Ililibot muna sa iba’t ibang bahagi ng bansa ang mga naturang kandidata bago ang grand coronation night sa January 30 sa Mall of Asia Arena.
Security
Kasado na ang seguridad para sa 65th Miss Universe pageant sa Enero 30 na gaganapin sa Mall of Asia Arena.
Ipinabatid ito sa DWIZ ni Philippine National Police (PNP) Chief Director General Ronald dela Rosa.
Muling tiniyak ni Dela Rosa na wala silang namomonitor na anumang banta sa naturang beauty pageant.
Bahagi ng pahayag ni PNP Chief Ronald dela Rosa
By Judith Larino | Photo Credit: Raoul Esperas (Patrol 45) | Meann Tanbio | Ratsada Balita
