Balik-bansa muli si 2015 Miss Universe Pia Alonzo-Wurtzbach.
Dumating si Pia ngayong araw mula New York kasama ang kanyang road manager na si Esther Swan.
Personal na ipapasa ni Pia ang korona sa itatanghal na Binibining Pilipinas Universe sa gaganaping coronation night ng nasabing patimpalak sa darating na araw ng Linggo, April 17.
Ang Miss Universe ay sinalubong ng mga opisyal ng Binibining Pilipinas Charities Incorporated at muling nakatanggap ng mainit na pagsalubong mula sa mga tao sa airport.
Samantala, may nakatakdnag press conference si Queen P bukas, April 14 sa Novotel Cubao.
Kamakailan lang ay gumawa si Pia ng isang commercial para sa Philippine Airlines.
By Judith Larino | Photo Credit: Raoul Esperas (Patrol 45)
