Nakapagtala muli ng pagsabog kahapon sa isang residential area sa Ukraine malapit sa Zaporizhzhia, pinakamalaking nuclear station ng Europe.
Tumama ito sa Pivdennoukrainsk nuclear station na ikinasugat ng 12 sibilyan.
Ayon kay Vitaliy Kim, gobernador ng Mykolaiv Region, kabilang sa nasugatan ang apat na bata.
Noon pang nakaraang linggo, nakakapagtala ang Ukraine ng sunod-sunod na pagsabog sa iba’t ibang bahagi ng Crimea.
Pumayag naman si Russian President Vladimir Putin na pahintulutan ang mga opisyal ng UN na bisitahin at suriin ang Zaporizhzhia Nuclear Complex.
Ito ay matapos mabahala ang ilan na magdudulot ng sakuna sa buong mundo ang nuclear power plant sakaling sumabog ito.
