Isa sa mga miyembro ng Alcala Drug Group sa Quezon Province ang natagpuang patay sa bayan ng Pagbilao.
Kinilala ni Chief Insp. Rizaldy Merene, hepe ng Pagbilao Municipal Police ang biktima na si Harold Abutin, isa sa mga high value target na nasa drug watch list ng lalawigan.
Narekober ang bangkay ni Abutin sa barangay Bigo na tadtad ng tama ng bala sa ulo at likod.
Si Abutin ay pinsan ng isa sa mga leader ng Alcala Drug Group na si Sajhid Alcala na nakababatang kapatid ni Cerolleriz na kapwa naaresto noong isang taon.
Kilala ang magkapatid na Alcala bilang pinaka-maimpluwensyang drug personalities sa Quezon dahil sa koneksyon nito sa pulitika dahil sa pagiging mga anak ni Cerilo na nakababatang kapatid ni dating Agriculture Secretary Proceso Alcala at Quezon Rep. Vicente Alcala.
By: Drew Nacino
