Patay ang isang miyembro ng Philippine Air Force (PAF) matapos umanong barilin ng kapwa sundalo sa Cagayan de Oro City.
Kinilala ang biktima na si Staff Sergeant Renante Felerca, habang ang suspek naman ay si Airman 2nd Class Reymart Norquera.
Ayon sa report, nag – iinuman sina Felerca at Norquera sa loob mismo ng kanilang kampo nang biglang makarining ang mga kasamahan ng pagtatalo at nasundan ng putok ng baril.
Agad namang itinakbo sa ospital ng 4th Infantry Division Camp Evangelista ang biktima ngunit hindi na ito umabot ng buhay, na nagtamo ng tama ng bala sa likod ng ulo.
Nadakip naman ang suspek at naka – detine na sa loob ng Camp Evangelista.
Samantala, wala pang inilalabas na pahayag ang PAF kaugnay sa insidente.
