Hinimok ng dalawang miyembro ng Young Guns Bloc ng kamara si Vice President Sara Duterte na sumailalim sa psychological examination.
Ito’y matapos sabihin ng bise presidente na naisip niyang putulin ang ulo ni Pangulong Ferdinand Marcos Jr.
Ayon ka house Assistant Majority Leader at Zambales First District Rep. Jefferson Khonghun, nakaka-alarma ang pahayag ng pangalawang pangulo dahil anya walang disenteng tao ang makakapag-isip ng ganung bagay.
Giit naman ni House Assistant Majority Leader at La Union First District Rep. Francisco Paolo Ortega, hindi katanggap-tanggap ang ganung uri ng marahas at nakakatakot na pahayag, lalo’t ito’y nanggaling mula sa isang nakaupong bise presidente.
Panawagan ng dalawang mambabatas, humingi ng propesyonal na tulong si VP Duterte dahil anila ang pag-uugali nito ay lubhang nakakabahala.