Sinimulan na ng Metropolitan Manila Development Authority (MMDA) ang mas pinaigting nitong road-clearing operations sa Quezon City at mga kalapit na lugar.
Ito’y bilang paghahanda sa pagdaraos ng Metro Manila Film Festival ‘Parade of Stars’ na magsisimula sa Welcome Rotonda patungo sa Quezon City Memorial Circle.
Ayon sa MMDA, nakikipag-ugnayan na sila sa lokal na pamahalaan ng Quezon City para pangasiwaan ang daloy ng trapiko at matiyak ang kaligtasan ng publiko.
Gaganapin ang MMFF Parade of Stars sa December 21 kung saan tampok dito ang iba’t ibang floats sakay ang mga artistang kalahok sa walong official movie entries ngayong taon.
Kaugnay nito, naglabas naman ang MMDA ng listahan ng mga alternatibong ruta para sa mga maapektuhan ng nasabing parada.
