Kinalampag ng Metropolitan Manila Development Authority (MMDA) ang mga opisyal ng barangay sa Quezon City na tiyaking walang road obstructions na makakabalik sa mga lugar na kanila nang unang nalinis.
Ayon kay MMDA Traffic Operations Chief Bong Nebrija, alam nila na isang araw lang matapos ang paglilinis, magsisibalikan ang mga road obstruction sa kalsada.
Kaya naman nakikusap si Nebrija sa mga opisyal ng barangay na bantayan at panatilihing malinis ang mga kalsada sa kanilang lugar.
Giit ni Nebrija hindi nila kayang balik-balikan araw-araw ang naturang lugar dahil napakalaki ng Metro Manila para kanilang panatilihin ang kalinisan.
