Magpapatupad ang Metropolitan Manila Development Authority (MMDA) ng “No Absent, No Day Off” policy para sa mga traffic personnel sa gitna nang inaasahang pagdagsa ng mga pasahero sa Undas.
Ayon kay MMDA Spokesperson,Atty. Melissa Carunungan, ipakakalat ang mga traffic enforcer sa mga bus terminal sa inaasahang pagbuhos ng mga pasaherong sa mga probinsiya.
Magpapakalat din aniya ng traffic at rescue personnel sa mga pampublikong sementeryo.
Samantala, nakikipag-usap na sila sa mga mall operator hinggil sa mga hakbang upang maibsan ang trapiko bago ang pagdiriwang ng pasko. – sa panulat ni Hannah Oledan
