Muling nagpa-alaala ang Metropolitan Manila Development Authority (MMDA) na wala munang walk-in vaccinations sa National Capital Region.
Ayon kay Atty. Victor Trinidad, Director ng Public Safety Office ng MMDA, mas mabuting maghintay ng vaccination schedule upang maiwasan ang pagtungo ng maraming tao sa mga vaccination site.
Paalala pa ni Trinidad, huwag maniwala sa kumakalat na fake news na “No bakuna, No ayuda”.
Ipinabatid din ni Trinidad na 4 milyong doses pa ng COVID-19 vaccines ang inaasahang darating sa bansa habang naka ECQ ang Metro Manila.
