Sinimulan na ng prosecution team ang pag-eensayo para sa impeachment trial ni Vice President Sara Duterte.
Ayon kay House Secretary General Reginald Velasco, ginagawa ng lahat ng mga abogado ang mock trial upang makita kung papaano ang magiging daloy ng mga deliberasyon at testimonya sa totoong trial.
Si VP Duterte ay kasalukuyang nahaharap sa mga kasong “violation of the constitution, betrayal of public trust, graft and corruption and other high crimes” dahil sa sinasabing maling pagwaldas sa confidential funds ng Office of the Vice President at Department of Education noong pinamumunuan pa niya ito. —sa panulat ni John Riz Calata
