Iminungkahi ni Legal Network for Truthful Elections o LENTE lawyer Ona Caritos na i-reschedule ng Comelec ang mock polls na gaganapin sa Disyembre 29, 2021.
Aniya, mas makabubuti kung gagawin sa ibang araw ang mock poll dahil majority sa publiko ang nasa bakasyon pa sa nasabing araw.
Sa ganitong paraan aniya ay magkakaroon ng magandang assessment ang Comelec sa kaligtasan ng mga botante sa darating na halalan 2022 sa gitna ng nararanasang pandemya.
Una nang nagsagawa ang Comelec ng mock polls sa lungsod ng San Juan na dinaluhan ng higit apat na libong indibidwal.—mula sa panulat ni Airiam Sancho
