Inaasahang darating na sa bansa ang bakunang gawa ng kumpanyang Moderna sa ika-25 ng Hunyo.
Ito ang inihayag ni National Task Force against COVID-19 deputy chief implementer Vince Dizon, bahagi ito ng 20 milyong doses ng Moderna vaccine na kukunin ng bansa.
Ipinabatid pa ni Dizon na nasa huling bahagi na rin ng negosasyon si Vaccine Czar Carlito Galvez Jr., para sa pagbili 40 milyong doses ng Pfizer-Biontech vaccine.
Bukod dito, tinatrabaho na rin ang pagbili ng single dose ng Johnson and Johnson at Janssen.
Samantala, may usapan na rin para sa mga donasyon ng Pfizer Moderna at J&J.
