Binigyan na ng ‘go signal’ o accreditation ng Department of Health (DOH) ang molecular diagnostic laboratory ng Marikina City para sa coronavirus disease 2019 (COVID-19).
Dahil dito, ayon kay City Mayor Marcy Teodoro, isasalang agad sa COVID-19 testing ang tinatayang 600 hanggang 800 residente.
Matatandaang matagal nang ipinanawagan ni Teodoro sa DOH na aprubahan na ang pasilidad para mapakinabangan na ng kanyang nasasakupan.
Sa isang hiwalay na statement, kinumpirma rin ni Health Undersecretary Maria Rosario Vergeire na maaari nang simulan ng nabanggit na diagnostic laboratory ang kanilang operasyon bukas, Mayo 1.
