Inihayag ni Mommy Dionisia na nais niyang maging presidential adviser sakaling manalo ang kaniyang anak na si Senator Manny Pacquiao sa presidential race sa May 2022 elections.
Ipinagmalaki ni Mommy D na bukod sa nag-aalala siya bilang ina ni Manny, isa rin umano siyang adviser sa kanilang lugar sa General Santos City.
Nauna nang nakasama ni Mommy D si Pacquiao sa kanyang Proclamation rally sa General Santos City noong Pebrero at Campaign rally sa Metro Manila nito lamang Miyerkules.
Kumpiyansa si Mommy D, na malaki ang kaniyang maitutulong sa kaniyang anak na patuloy na lumalaban para sa mga mahihirap na Pilipino. —sa panulat ni Angelica Doctolero
