Lalong tumaas ang moral ng mga sundalong patuloy na nakikipag-bakbakan sa Maute group sa Marawi City.
Kasunod na rin ito nang pagbisita sa kanila ng Pangulong Rodrigo Duterte sa ikatlong pagkakataon.
Sinabi ni AFP o Armed Forces of the Philippines Spokesman Brigadier General Restituto Padilla na malaking morale booster ang ginawa ng Pangulo na muling magpakita sa mga sundalo at magbigay ng mensahe sa mga ito.
Pinuntahan pa aniya ng Pangulo ang isang sniper nest ng militar sa main battle at pinaputukan pa ang lugar na pinagtataguan ng mga terorista.
Binigyan ng Pangulo ng food packs at tig isang relo ang mga sundalo sa Marawi City.
By Judith Larino / (Ulat ni Aileen Taliping)
SMW: RPE
