Ibinasura na nang tuluyan ng Sandiganbayan 3rd Division ang mosyon ni dating Senador Juan Ponce Enrile na ibasura ang plunder charges laban sa kaniya kaugnay sa pork barrel fund scam.
Ayon sa anti graft court nabigo ang kampo ni Enrile na makapagbigay ng bagong argumento para mahimok ang korte na linisin ito sa kasong plunder.
Kinontra rin ng Sandiganbayan ang pahayag ng kampo ni Enrile na walang naipakita sa charge sheet na basehan para sa kinakaharap niyang kaso.
Una nang dumulog sa Korte Suprema si Enrile para hilinging pigilan ang Sandiganbayan na litisin siya sa kasong plunder.
By: Judith Larino
