Blangko pa rin ang Philippine National Police sa motibo ng pagpatay kay Father Mark Ventura sa Gattaran, Cagayan.
Ayon kay Chief Inspector Rodel Tabuyog, Hepe ng Gattaran PNP, nakatutok ngayon ang imbestigasyon kung may nasagasaan si Father Ventura bilang isang mamamayan.
Batay aniya sa paunang imbestigasyon ay tila wala namang problema kay Father Ventura bilang isang pari at maging sa kanyang pakikisalamuha sa mga pulitiko.
Sa ngayon ay umarangkada na ang manhunt operations sa suspect sa pagpatay kay Ventura batay sa facial composite ng suspek.
Sinabi ni Tabuyog na ilang testigo na nakakita sa pagpatay kay Father Ventura ang pumayag na ilarawan ang suspect kaya’t nakapagpalabas na sila ng facial composite.
—-
