Magsasagawa ngayong araw ng libreng sakay para sa mga healthcare workers ang motorcycle ride-hailing service na Angkas.
Ito ay kasabay ng gaganaping National Vaccination Drive sa mga vaccination sites ngayong araw na tatagal hanggang december 1.
Magiging libre ang sakay sa mga medical frontliners na nakatalaga sa Metro Manila, Laguna, Cavite, Bulacan, at Metro Cebu.
Para sa may mga nais ng libreng sakay, maaaring bumisita ang interesadong healthcare workers sa facebook page ng Angkas, kung saan maaari silang magsagot sa link upang mapabilang ang kanilang pangalan sa listahan ng Angkas App.
Makatatanggap naman ng promo code at text message ang healthcare workers na magagamit sa naturang free ride.
Tatagal ang libreng sakay hanggang december 1 pero tinitingnan din ng kumpaniyang Angkas kung kanilang palalawigin ang libreng sakay sa mga medical frontliners. —sa panulat ni Angelica Doctolero
