Inilabas na ng Manila Police District ang ilang paalala sa publiko kaugnay sa inagurasyon ni President Elect Ferdinand Bongbong Marcos Jr, bukas, Hunyo 30 sa National Museum.
Kabilang ang mga kagamitan na pinapayagan lamang dalhin sa mga taong nais makita nang personal ang panunumpa ni marcos bilang ika labingpitong pangulo ng bansa.
Ilan sa mga kagamitan na mga pinapayagan ay ang:
-transparent/ see through bag / backpacks
-cellular phones / cameras
– inuming tubig ngunit dapat nasa clear o transparent na bote o lalagyan
– pagkain
habang ang mga ipinagbabawal na gamit ay ang:
– pagsusuot ng sando at tsinelas
– pagdadala ng anumang uri ng armas, at kahit mga replica
– pampasabog
– matutulis na gamit at posporo
– mga alagang hayop
– mga lobo
– nakalalasing na inumin
– drones
– tent
Samantala, para naman maiwasan ang anumang posibleng problema sa pagdalo sa pagtitipon, narito ang mga paalala ng MPD:
– Mayroong dalawang “pathways” o maaaring daanan ng publiko patungo sa national museum sa padre burgos, ito ay makikita sa victoria street at general luna street na bubuksan mula alas sais ng umaga at isasara ng alas nuwebe ng umaga.
– Ang Mga Tao Ay Hinihimok Na Maglakad Lamang Patungo Sa Venue, Habang Ang Mga May Sasakyan Ay Pinapayuhang Maghanap Ng Parking O Mapaparadahan Na Malayo Sa Inaugural Area.
– Huwag magtapon ng basura kung saan-saan at tiyakin na sumunod sa minimum public health standards para maka-iwas sa COVID-19.
