Nagkaroon ng aberya sa MRT kaninang hapon.
Ayon sa pamunuan ng MRT 3, ini report ng train driver na mayroong smoke emission sa isa sa mga tren sa bahagi ng Santolan Station Northbound kaya’t pinababa ang nasa 530 pasahero nito.
Dahil dito, nagpatupad ng provisional service ang MRT 3 management mula Shaw Boulevard hanggang Taft Avenue.
Humingi naman ng paumanhin ang MRT 3 sa mga naabalang pasahero.
Iniimbestigahan na ng rehabiltation at maintenance provider na Sumitomo Mitsubishi Heavy ang nasabing insidente. — ulat mula kay Jaymark Dagala (Patrol 9)
