Nakakatatlong aberya na ang MRT-3 ngayong Lunes ng umaga.
Ang una, kaninang pasado alas-6:00 kung saan nagbaba ng pasahero ang tren sa Quezon Avenue, Southbound dahil sa tinatawag na technical problem.
Ilang minuto lamang pagkatapos nito, bago mag alas-7:00 ng umaga, nagpatupad naman ng provisional service ang MRT kung saan nilimitahan lang ang biyahe mula Shaw Boulevard papuntang Taft Avenue Station at pabalik.
Bago naman mag-alas-9:00 ng umaga, muling nagpatupad ng provisional service ang MRT mula ulit sa Shaw hanggang Taft at pabalik dahil umano sa nasirang riles.
Dahil sa mga nangyaring aberya humaba ang pila sa mga istasyon ng tren ngayong umaga.
—-
