Tuloy ang operasyon ng MRT-3 sa kabila ng mga aberyang kinakaharap nito.
Ayon kay DOTR o Department of Transportation Assistant Sec. Elvira Medina, hindi magiging hadlang sa operasyon ng tren ang mga isinasagawa nilang pag-aaral upang masolusyunan ang mga problema ng MRT-3.
Sa loob aniya ng isa hanggang dalawang linggo, posibleng matapos na ang kanilang pag-aaral at maari na silang makapagbigay ng rekomkendasyon kay DOTR Undersecretary Cesar Chavez.
Samantala, muli namang inabisuhan ng DOTR ang publiko na mahigpit nilang ipatutupad bukas, araw ng Lunes, ang yellow lane policies upang matiyak na hindi na mauulit ang nangyaring aksidente kamakailan.
