Muling nagkaaberya ang biyahe ng Metro Rail Transit (MRT) sa pagsisimula ng working week.
Ayon sa pamunuan ng MRT, alas -6:00 kaninang umaga nang hindi na makaandar ang isang tren ng MRT pa-southbound bago pa man tumigil sa Kamuning Station.
Dahil dito,napilitan ang mga pasahero na lumabas na ng tren at lumakad sa gilid ng riles.
Bukod dito ay nilimitahan na rin muna ang biyahe mula Shaw Boulevard hanggang Taft Avenue.
Naalis din ang naturang tren makalipas ang 15 minuto at balik na sa normal ang biyahe ng MRT pagkatapos ng isang oras.
By Judith Larino
