Inihayag ngayon ni Senador Grace Poe na ang mga naging gastusin niya sa nakalipas na kampanya ay mula sa campaign donations.
Sa harap na rin ito ng balitang si Poe ang Top Spender sa hanay ng mga Presidentiable sa nakalipas na May 9 elections.
Sinabi ni Poe na bilang Independent candidate, wala siyang makinarya at walang nag-back up na political party, hindi tulad ng ibang mga kumandidato sa pagka-Pangulo.
Aniya, ang kanilang naging estratehiya noon ay umasa sa napakamahal na Media advertising para lang maipaabot sa publiko ang kanilang mensahe at Plaraporma de Gobierno.
Sa kabila nito, nagpasalamat si Poe dahi marami siyang supporters na napaka-generous at tumulong para matustusan ang kanyang gastusin noong panahon ng kampanya.
By: Meann Tanbio
