Mula sa Pusong mensahe ng Pangulo sa SONA dapat umanong abangan

Dalawang bersyon ang magiging ikalawang State of the Nation Address ni Pangulong Rodrigo Duterte sa Lunes, Hulyo 24.

Ayon kay Presidential Spokemsan Ernesto Abella, mayroong mahaba at maikling bersyon ng SONA ng Pangulo.

Dapat anyang abangan ang personal at “Mula sa Pusong”  mensahe  ni Pangulong Duterte maliban sa technical report na ihahayag nito sa bayan.

Samantala, inihayag ni Presidential Communications   Office Secretary Martin Andanar na mayroong Limang pangunahing “top accomplishments” si Pangulong Duterte subalit hindi siya nakatitiyak kung kabilang ito sa mga babanggitin.

Kaugnay naman sa mga susuotin ng gabinete ng Pangulo, simpleng barong tagalog at pantalon lamang bilang pagpapakita ng suporta sa mga residente ng Marawi City.

By: Drew Nacino / Aileen Taliping

Comments

comments