Si Senador Nancy Binay ang pinaka-unang naghain ng kanyang certificate of candidacy sa ikalawang araw ng paghahain ng COC.
Kasama ni Binay ang kapatid na si dating Makati City Mayor Junjun Binay at dumaan muna sila sa Manila Cathedral bago nagtungo sa tanggapan ng Comelec.
TINGNAN:
Senator Nancy Binay, naghain ng kanyang COC sa Comelec main office para muling tumakbong senador sa 2019; sinamahan ang senadora ng kanyang kapatid na si dating Makati Mayor Junjun Binay | via @iyusoncruz pic.twitter.com/AK79lxwnGS
— DWIZ Newscenter (@dwiz882) October 12, 2018
Ayon kay Senador Binay, pinili niya ang Biyernes para maghain ng COC dahil Biyernes rin nang maghain siya ng COC nang kumandidato siya noong 2013.
Sinabi ni Binay na kung mabibigyan siya ng isa pang termino bilang senador, ibibigay nya ang uri ng serbisyo publikong sinimulan na nya sa unang anim na taon niya sa Senado.
Industriya ng turismo, isa sa mga pagtutuunan ng pansin ni Sen. Nancy Binay sakaling maihalal muli. “For example ‘yung problema sa Boracay and other tourism sites, stemmed ‘yan sa fact na walang tourism plan, hindi napag-aralan ang carrying capacity.” | via @iyusoncruz pic.twitter.com/qMyZamWiNp
— DWIZ Newscenter (@dwiz882) October 12, 2018
(Ulat ni Aya Yupangco)
