Nagluluksa ang mundo ng showbiz sa pagpanaw ng 41-taong gulang na aktres na si Isabel Granada sanhi ng brain aneurysm.
Ilan sa mga nagpaabot ng pakikiramay ang mga aktor na sina Betong Sumaya, showbiz love team nito na si Chuckie Dreyfus, Camille Prats, Mae Bautista at iba pa.
Magugunitang kinumpirma ng asawa ni Isabel na si Arnel Cowley ang pagpanaw ni Granada sa Doha, Qatar nitong Sabado, oras dito sa Pilipinas.
Nakatakda namang i-uwi rito sa Pilipinas ang labi ni Isabel at posibleng i-cremate ito subalit naka-depende pa rin sa magiging desisyon ng ina ni isa na si Mommy Guapa.
Nakilala si Isabel bilang miyembro ng “That’s Entertainment”, naging aktibo sa larangan ng showbiz noong dekada 90 na kalauna’y kinilala na rin sa mundo ng pagnenegosyo.
—-
