Aabot na sa walumpu’t isang libong pamilya mula sa CALABARZON, Bicol, Western Visayas, Eastern Visayas at CARAGA Region ang naapektuhan ng shear line at low pressure area.
Ito ang kinumpirma ni NDRRMC Deputy Spokesman Mark Timbal kaugnay sa pananalasa ng malakas na ulan.
Sa panayam ng DWIZ, sinabi ni Spokesman Timbal na 132 pang mga lugar ang patuloy na nakararanas ng matinding pagbaha.
Kaugnay nito, inihayag ng opisyal na tuloy-tuloy pa rin ang pagbibigay ng ayuda ng lokal na pamahalaan at iba pang ahensya ng gobyerno sa mga residenteng naapektuhan ng magnitude 6.8 na lindol sa Southern Mindanao. - sa panulat ni Maianne Palma
