Ipinagtanggol naman ng pamunuan ng Southern Police District (SPD) si P/Capt. Ronald Saquilayan ng Taguig City Police Sub-Station 4.
Ito’y makaraang ireklamo si Saquilayan ng inaresto nilang grab driver na si Mary Florence Norial dahil sa ‘di umano’y marahas at mapang-abusong pag-aresto sa kaniya.
Ayon kay SPD Director P/Bgen. Emmanuel Peralta, malinaw sa kuha ng CCTV ng coffee shop sa isang mall sa Taguig City na si Norial ang unang sumugod at nagwala sa sasakyan ni Saquilayan.
Ginamit din aniya ni Norial ang social media para magpakalat ng mga maling kuwento sa pangyayari na naglalayong sirain sa publiko ang imahe ng pulisya.
